Jobs and Careers

TERM : 

Լրիվ դրույք

JOB DESCRIPTION : 

Հայաստանի տարածքային զարգացման հիմնադրամի ՋՏԾԻ մասնաճյուը իր ծրագրերի իրականացման համար փնտրում է Ոռոգման Համակարգերի Արդիականացման Ծրագրի Համակարգող:

RESPONSIBILITIES : 

Ծրագրի ընդհանուր կառավարում, մոնիթորինգ և հաշվետվողականություն.
- Համակարգել Ծրագրի իրականացման խմբի հիմնական անձնակազմում ընդգրկած մասնագետների աշխատանքը;
- Համակարգել Ծրագրի բոլոր բաղադրիչների իրականացումը;
- Համակարգել ծառայողական հարաբերությունները Ծրագրի բաղադրիչների համար պատասխանատու անձանց և Ծրագրի իրականացման խմբի հիմնական անձնակազմում ընդգրկված այլ մասնագետների միջև;
- Համակարգել խորհրդատուների աշխատանքը (տեղական և միջազգային);
- Համակարգել Ծրագրով պահանջվող հաշվետվությունների պատրաստման և դրանք համապատասխան մարմիններին սահմանված ժամանակին ներկայացնելու աշխատանքները;
- Կազմակերպել միջազգային և տեղական խորհրդատուների ընտրությունը և տեխնիկական աջակցություն ցուցաբերել նրանց;
- Իրականացնել Ծրագրի ընդհանուր կառավարում և համակարգում՝ Ջրային կոմիտեի, ՀՏԶՀ գործադիր տնօրենի, Ծրագրի շահառուների և շահագրգիռ կազմակերպությունների հետ սերտ համագործակցությամբ;
- Ապահովել Ծրագրի արդյունավետ և ճկուն համակարգումն ու իրականացումը՝ «Ծրագրի իրականացման ձեռնարկի», «Գնումների պլանի» և Ծրագրի բյուջեի համաձայն;
- Աշխատանքի փաստացի ընթացքն արտացոլելու և պլանավորելու համար պարբերաբար թարմացնել «Ծրագրի իրականացման ձեռնարկը», «Գնումների պլանը» և Ծրագրի բյուջեն, ինչպես նաև հաստատմանը ներկայացնել Ծրագրի ցանկացած էական փոփոխություն;
- Կազմակերպել Ծրագրի առաջընթացի մասին եռամսյակային հաշվետվությունների կազմակերպումը և ժամանակին ներկայացումը ՀՏԶՀ, Ջրային կոմիտե, Կայունացման և զարգացման եվրասիական հիմնադրամ՝ ներառելով միջազգային և տեղական խորհրդատուների կողմից պատրաստված հիմնական ցուցանիշները և համապատասխան տեխնիկական հաշվետվությունները;
- Իրականացնել կատարված աշխատանքների մոնիթորինգ՝ Ծրագրի նպատակների նվաճումն ապահովելու, ցանկացած շեղում ժամանակին հայտնաբերելու, Ծրագրի վերջնական գնահատականի համար տվյալներ տրամադրելու և իրականացման ավարտման հաշվետվություն ներկայացնելու համար;
- Կատարել անհրաժեշտ դաշտային ուղևորություններ և այցելություններ Ծրագրի աշխատանքներն իրականացնող կազմակերպությունների տեղամասեր՝ ծրագրային աշխատանքների իրականացման արդյունավետ վերահսկողությունն ապահովելու համար:

Կապալառուների, խորհրդատուների և պայմանագրերի կառավարում.
- Մասնակցել Ծրագրի շրջանակներում միջազգային և տեղական կապալառուների և խորհրդատուների համար տեխնիկական առաջադրանքների պատրաստմանը, ինչպես նաև մասնակցել որակավորված թեկնածուների ընտրությանը յուրաքանչյուր պաշտոնի համար;
- Համակարգել Ծրագրի իրականացման խմբի անձնակազմի և փորձագետների աշխատանքը, ապահովել անհրաժեշտ նյութատեխնիկական ապահովումը, նախապես տեղեկացնել Ծրագրի շրջանակներում առաքելությունների և պաշտոնական հանդիպումների մասին;
- Ապահովել շինարարական և խորհրդատվական պայմանագրերի, ապրանքների մատակարարման պայմանագրերի իրականացման վերահսկողությունը՝ ներառյալ աշխատանքների որակը և Ծրագրի խորհրդատուների կողմից պատրաստված հաշվետվությունները:

Արտաքին համակարգում և տարածում, այլ խնդիրներ.
- Նպաստել արդյունավետ համակարգմանը և համագործակցությունը շահագրգիռ կողմերի, այդ թվում միջազգային կազմակերպությունների միջև;
- Կատարել ՀՏԶՀ տնօրենի կողմից տրված այլ հանձնարարություններ՝ Ծրագրի իրականացման շրջանակներում:

REQUIRED QUALIFICATIONS : 

- Նվազագույն կրթություն․ ճարտարագիտության կամ տնտեսագիտության ոլորտի բարձրագույն կրթություն;
- Աշխատանքային մասնագիտական փորձ ոլորտում (առնվազն 5 տարի);
- Բարձր մակարդակով, գործընկերների լայն շրջանակի հետ՝ այդ թվում պետական հիմնարկների և դոնորների հետ, աշխատելու կարողություն;
- Հաշվետվություններ, վերլուծական նյութեր և պրեզենտացիաների գրելու ունակություն;
- Անձանակազմի կառավարման և գործարար հաղորդակցության ունակություն;
- Ոլորտը կարգավորող ՀՀ օրենսդրական և ենթաօրենսդրական ակտերի իմացություն;
- Ենթակառուցվածքային ծրագրերում աշխատելու փորձ (առնվազն 3 տարի) (դոնորների կամ միջազգային ֆինանսական հաստատությունների կողմից ֆինանսավորվող ծրագրերում աշխատանքային փորձը կհամարվի առավելություն);
- Կառավարչական պաշտոնում աշխատանքային փորձ (առնվազն 3 տարի);
- MS Office և AutoCAD ծրագրերի տիրապետում;
- Հայերեն և ռուսերեն լեզուների ազատ տիրապետում (անգլերեն լեզվի իմացությունը կհամարվի առավելություն);
- Հաշվետվություններ կազմելու և վերլուծելու կարողություն;
- Արագ կողմնորոշվելու և հաղորդակցման հմտություններ:

APPLICATION PROCEDURES : 

Հետաքրքրված անձինք կարող իրենց ինքնակենսագրականն ուղարկել r.gharibyan@atdf.am էլ. հասցեին:

Please clearly mention in your application letter that you learned of this job opportunity through Career Center and mention the URL of its website - www.careercenter.am, Thanks.

ADDITIONAL NOTES : 

Առկայության դեպքում ներկայացնել նախորդ աշխատավայրից/աշխատավայրերից/ երաշխավորագիր

ABOUT : 

«Ոռոգման համակարգի արդիականացման ծրագրի» (այսուհետ՝ Ծրագիր) ֆինանսավորման համար 2015թ. հոկտեմբերի 16-ին Հայաստանի Հանրապետության և Եվրասիական զարգացման բանկի միջև կնքվել է Կայունացման և զարգացման Եվրասիական հիմնադրամի միջոցներից ներդրումային վարկ տրամադրելու վերաբերյալ համաձայնագիր։
Ծրագիրը բաղկացած է 4 բաղադրիչներից՝ 1) Մեխանիկական ոռոգման փոխարինում ինքնահոսով, 2) Մայր և երկրորդ կարգի ջրանցքների վերականգնում, 3) Ներտնտեսային ոռոգման ցանցերի վերականգնում, և 4) Ծրագրի կառավարում և ոռոգման ջրամատակարարման կազմակերպությունների ինստիտուցիոնալ կարողությունների զարգացում, տեխնիկական վերազինում, անձնակազմի ուսուցում, հանրային իրազեկության բարձրացում։
Ծրագրի իրականացման պատասխանատու մարմինը ՀՀ տարածքային կառավարման և ենթակառուցվածքների նախարարության Ջրային կոմիտեն է։
Ծրագրի իրականացումը վերապահված է Հայաստանի տարածքային զարգացման հիմնադրամին, որն այն իրականացնում է Ջրային տնտեսության ծրագրերի իրականացման մասնաճյուղի միջոցով։