Աշխատանք և կարիերա

ԴՐՈւՅՔ՝ 

Լրիվ դրույք

ԱՇԽԱՏԱՆՔԻ ՆԿԱՐԱԳԻՐ՝ 

Հայաստանի տարածքային զարգացման հիմնադրամի ջրային տնտեսության ծրագրերի իրականացման մասնաճյուղը իր ծրագրերի իրականացման համար փնտրում է վերահսկող ինժեներ:

ՊԱՐՏԱԿԱՆՈւԹՅՈւՆՆԵՐ՝ 

- Պարբերաբար այցելել շինհրապարակներ, որի ընթացքում ստուգվում են կատարված շինարարական և մոնտաժային բոլոր աշխատանքների որակը և տեխնոլոգիական հերթականությունը, նրանց համապատասխանությունը նախագծա-նախահաշվային փաստաթղթերին, շինարարական նորմերին և կանոններին (խրամուղու խորություն, խրամուղու լայնություն, ավազի նախապատրաստական և պաշտպանիչ շերտերի տեղադրում, խողովակաշարի տեղադրում, խրամուղու հետլիցք և տոփանում, խճի նախապատրաստական շերտի և ասֆալտի ծածկույթի տեղադրում, խողովակաշարի փորձարկում, խողովակաշարի վարակազերծում և լվացում, ջրաչափական հորերում ջրաչափական հանգույցի տեղադրում և այլն);
- Ստուգել շինարարությունում օգտագործվող նյութերի, շինվածքների, կոնստրուկցիաների և ինժեներական սարքավորումների որակը հաստատող սերտիֆիկատների, տեխնիկական անձնագրերի և լաբորատոր փորձարկումների արդյունքների գոյությունը;
- Իրականացնել խրամուղիների զննման, թաքնված աշխատանքների, խողովակաշարերի փորձարկման, ախտահանման և լվացման ակտերի ստուգում և ընդունում;
- Հայտնաբերված թերությունների և խախտումների վերացման վերաբերյալ պարբերաբար ցուցումներ և հրահանգներ տալ Կապալառու կազմակերպությանը և Խորհրդատուին;
- Ստուգել և ընդունել կատարողական ակտերը;
- Ստուգել և ընդունել փոփոխված պատվերները;
- Պարբերաբար կազմակերպել քննարկումներ Կապալառու կազմակերպության, Խորհրդատուի և Շահագործող ընկերության ներկայացուցիչների հետ;
- Համակարգել Կապալառու կազմակերպության և Խորհրդատուի (Նախագծում, շինարարության որակի տեխնիկական հսկողություն, հեղինակային հսկողություն) աշխատանքները;
- Իրականացնել սահմանված կարգով շինարարական աշխատանքների ավարտը փաստագրող ակտերի («Ըստ էության» ավարտի վկայագիր, Ավարտված շինարարական օբյեկտը շահագործման ընդունող հանձնաժողովի ակտ, Ավարտական ակտ /Շահագործման թույլտվություն/ ընդունման-հանձնման աշխատանքների համակարգում։

ԱՆՀՐԱԺԵՇՏ ՈՐԱԿԱՎՈՐՈՒՄՆԵՐ՝ 

- Շինարար-ճարտարագետի բարձրագույն կրթություն;
- Առնվազն 5 տարվա աշխատանքային փորձ նախագծման և շինարարության վերահսկման բնագավառում;
- Համակարգչային գիտելիքներ (MS Office, AutoCAD);
- Հայերեն լեզվի գերազանց իմացություն; ռուսերեն և անգլերեն լեզուների իմացություն:

ԴԻՄԵԼՈւ ԿԱՐԳԸ՝ 

Հետաքրքրված անձինք կարող են ուղարկել իրենց ինքնակենսագրականը *.*********@****.** էլ. հասցեին՝ նամակի թեմա դաշտում նշելով հաստիքի անվանումը («Վերահսկող Ինժեներ 2»):

Խնդրում ենք Ձեր դիմում-նամակում հստակ նշել, որ այս հնարավորության մասին տեղեկացել եք Կարիերայի կենտրոնի վեբ-կայքից և նշեք կայքի հղումը՝ www.careercenter.am։ Շնորհակալություն.