Աշխատանք և կարիերա

ԱՇԽԱՏԱՆՔԻ ՆԿԱՐԱԳԻՐ՝ 

Քո Դերը. Եթե դու փորձառու իրավաբան ես, ով սիրում է իրավաբանությունը և պատրաստ է առաջատար դեր ստանձնել՝ զարգացնելու հիմնադրամի իրավական ուղղությունը և ռազմավարությունը, ապա ՔՈԱՖ-ում («Հայաստանի մանուկներ» բարեգործական հիմնադրամ) ամբողջական դրույք իրավախորհրդատուի դերը հենց քեզ համար է։
Քո Թիմը. Դու կմիանաս ՔՈԱՖ-ի թիմին և կաշխատես գործադիր տնօրենի անմիջական առաջնորդությամբ։

ՊԱՐՏԱԿԱՆՈւԹՅՈւՆՆԵՐ՝ 

.
Պայմանագրերի և այլ իրավական փաստաթղթերի մշակում և վերահսկում (40%)
- Իրականացնել և վերահսկել հիմնադրամի իրավական բնույթի փաստաթղթերի մշակումը, իրավական փորձաքննության անցկացումը, իրավական կարծիքի տրամադրումը հիմնադրամի տարաբնույթ պայմանագրերի վերաբերյալ;
- Կազմել, մշակել և խմբագրել հիմնադրամի մատակարարման, ծառայությունների մատուցման, կապալի և այլ տիպի պայմանագրեր;
- Ապահովել հիմնադրամի կողմից ՀՀ տարածքում շարժական և անշարժ գույքի ձեռքբերման և դրանից բխող բոլոր անհրաժեշտ գործողությունների սահուն ընթացքը;
- Իրականացնել հողի նկատմամբ իրավունքների պետական գրանցում և տրամադրել խորհրդատվություն հողային տարբեր գործարքների իրականացման հարցերով;
- Իրականացնել արտաքին խորհրդատուների (գործընկերների) հետ իրավաբանական փոխգործակցության վերաբերյալ բանակցությունների վարում և վերահսկում;
- Աջակցել հիմնադրամի աշխատակիցներին պայմանագրերի և այլ իրավական փաստաթղթերի հետ կապված գործընթացներում;
- Պատրաստել հիմնադրամի հոգաբարձուների խորհրդի նիստերի աշխատանքների հետ կապված բոլոր փաստաթղթերը, իրականացնել նիստերի հետ կապված փաստաթղթաշրջանառությունը;
- Վերահսկել և ապահովել ՀՀ Կառավարության բարեգործական ծրագրերը համակարգող խորհրդատվական հանձնաժողով (ԿԲԾԽՀՀ) ներկայացվող Գործատուի տարեկան բարեգործական ծրագրի մշակումը և հարկազատման ենթակա գործարքների կազմակերպումը։

Հաշվետվողականություն, առաջարկների և բարելավումների ներկայացում (30%)
- Վերլուծել իրավական խնդիրները և հարցերը, դրանց հիման վրա ներկայացնել բարելավման առաջարկներ;
- Վերլուծել և մեկնաբանել իրավական փաստաթղթերը, առաջարկել բարեփոխումներ հիմնադրամի իրավական քաղաքականության վերաբերյալ;
- Ուսումնասիրել նոր օրինագծերը, օրենքի փոփոխությունները, մշակել և ներկայացնել ղեկավարությանը դրանցից բխող իրավական հետևանքները հիմնադրամի համար;
- Ներկայացնել հաշվետվություններ՝ ըստ պահանջի։

Թիմի կառավարում (30%)
- Առաջնորդել ՔՈԱՖ-ի իրավաբանական թիմի աշխատանքները;
- Համագործակցել թիմի հետ՝ նպաստելով աշխատանքի առաջխաղացմանը և հիմնադրամում աշխատանքի արդյունավետության բարձրացմանը;
- Պահպանել և նոր մոտեցումներ ցուցաբերել թիմում համագործակցության, պատասխանատվության և հաջողության մշակույթի զարգացման համար, ինչպես նաև մոտիվացնել և զինել թիմակիցներին նոր գիտելիքակազմով (օգնելով նրանց հասնել իրենց առաջադրանքների համար սահմանված վերջնաժամկետներին և KPI-ներին):

ԱՆՀՐԱԺԵՇՏ ՈՐԱԿԱՎՈՐՈՒՄՆԵՐ՝ 

Սպասելով քեզնից ավելին՝ ՔՈԱՖ-ն ակնկալում է, որ
Դու տիրապետես.
- Իրավաբանության ոլորտին, քանի որ ունես իրավագիտության մասնագիտությամբ բարձրագույն կրթություն և առնվազն 5 տարվա աշխատանքային փորձ;
- Փաստաբանական գիտելիքներին և ունես ՀՀ փաստաբանների միության անդամակցություն կամ փաստաբանի արտոնագիր (ինչը կդիտվի որպես առավելություն);
- Հիմնադրամների գործունեության դաշտը կարգավորող օրենսդրությանը (Հիմնադրամների մասին օրենք, քաղաքացիական իրավահարաբերությունները կարգավորող օրենսդրություն, հիմնադրամի հարաբերությունները կարգավորող հողային օրենսդրություն և այլն);
- ՀՀ օրենսդրությանը գերազանց;
- Հայերեն և անգլերեն լեզուներին գերազանց;
- Վերլուծական մտածողությանը և որոշումներ կայացնելու տեխնիկաներին;
- Հաղորդակցման և բանակցելու հմտություններին;
- Ժամանակի, թիմի և նախագծերի գերազանց կառավարմանը:

Դու կարողանաս.
- Կարդացածը ճիշտ ըմբռնել և ներկայացնել;
- Հավաքագրել, վերլուծել և կառավարել տեղեկատվությունը;
- Լուծել խնդիրներ և կայացնել որոշում;
- Աշխատել արդյունավետ` կարողանալով լուծել խնդիրները, որոնց պատասխանները միշտ չէ, որ ակնհայտ են;
- Արագ կողմնորոշվել տարբեր իրավիճակներում։


Դու լինես.
- Նախաձեռնող և իրագործող;
- Արդարամիտ և ճկուն առաջարկելու լուծումներ;
- Լավ ունկնդիր;
- Նպատակաուղղված հասնելու արդյունքների;
- Ուշադիր և կարողանաս աշխատել ինքնուրույն;
- Նպատակասլաց, ոգևորված ՔՈԱՖ-ի գործունեությամբ;
- Արդյունավետ հաղորդակցվող ու բանակցող և ունենաս գործընթացները դյուրացնելու գերազանց հմտություններ;
- Հուզական ինտելեկտի կրող և ունենաս համագործակցության ու թիմային աշխատանքի, մարդկանց հետ շփվելու, բանակցություններ վարելու միջանձնային հմտություններ։

ԴԻՄԵԼՈւ ԿԱՐԳԸ՝ 

Դիմելու համար հետևեք հղմանը` https://coaf.bamboohr.com/careers/97:
Կազմակերպությունն ամենօրա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս։

Խնդրում ենք Ձեր դիմում-նամակում հստակ նշել, որ այս հնարավորության մասին տեղեկացել եք Կարիերայի կենտրոնի վեբ-կայքից և նշեք կայքի հղումը՝ www.careercenter.am։ Շնորհակալություն.

ԼՐԱՑՈՒՑԻՉ ՏԵՂԵԿՈՒԹՅՈՒՆՆԵՐ՝ 

ՔՈԱՖ-ը դինամիկ և զարգացող ոչ առևտրային կազմակերպություն է: Ընկերությունն աճում է մեծ մասշտաբներով, ուստի իր թիմը հակված է առաջ շարժվել արագ տեմպերով: ՔՈԱՖ-ը փնտրում է թիմակիցներ, որոնք օժտված են կամային որակներով և պատրաստ են փոփոխությունների։

ՔՈԱՖ-ն առաջարկում է.
- Մրցակցային աշխատավարձ;
- Առողջապահական ապահովագրություն;
- 20 օր վճարվող արձակուրդ և լրացուցիչ վճարվող ազատ ժամեր;
- Մասնագիտական աճի հնարավորություններ;
- Անվճար անգլերենի և/ կամ արևելահայերենի դասընթացներ՝ ըստ կարիքի;
- Կատարողականի բոնուս;
- Դրական և ստեղծագործ աշխատանքային միջավայր։