Career Center | Job Vacancies, Employment & Recruitment in Armenia

Միասնական Սոցիալական Ծառայության Անձնակազմի Հաղորդակցության Հմտությունների Հզորացման Դասընթաց-վերապատրաստման Առաջարկությունների Ընդունման Հրավեր

Կազմակերպություն՝	HEKS-EPER
Վայր՝	Tbilisi, Վրաստան
Դիմումների վերջնաժամկետ՝	31 Հունվարի 2025

Մրցույթ
Կազմակերպություն

ՄՐՑՈւՅԹԻ ՏԵՍԱԿԸ՝

Առաջարկությունների Ընդունման Հրավեր

ՄԱՆՐԱՄԱՍՆ ՆԿԱՐԱԳՐՈւԹՅՈւՆ՝

․
Նպատակներ
Դասընթացի նպատակն է՝
1․ Ընդլայնել ՄՍԾ անձնակազմի կարողությունները՝ բռնի տեղահանվածների և խոցելի բնակչության հետ արդյունավետորեն հաղորդակցվելու համար:
2․ Դասընթացների շրջանակներում առաջարկել բանակցային և հաղորդակցման մեխանիզմներ՝ լավարցնելու ՄՍԾ անձնակազմի կարողությունները աշխատաշուկայում գործող դերակատարների արդյունավետ ներգրավման համար:
3․ Հզորացնել կարողությունները բնակչության աշխատանքի տեղավորման, կարիերայի կողմնորոշման և ներառականության ուղղությամբ։
4․ Մշակել էթիկական պարտականությունների և մասնագիտական վարքագծի ստանդարտացված փաթեթ:
5․ Աշխատակազմին զինել գործնական կարողություններով՝ գործատուների ներգրավման և շահառուներին աշխատաշուկային ինտեգրելու համար:

Աշխատանքի ծավալ
Ընտրված դասընթացավար-վերապատրաստողներից ակնկալվում է՝
1․ Կարիքների գնահատման հիման վրա հաղորդակցության, կարիերայի կողմնորոշման և վարքագծի կանոնների վերաբրեյալ կարողությունների հզորացման ուսումնական ծրագիր մշակել։
2․ Կազմակերպել երեք վերապատրաստման դասընթաց շուրջ 90 մասնակիցների համար (երկուական 42 տարածքային կենտրոններից և հինգ վարչական անձնակազմ Երևանի գրասենյակից):
3․ Ապահովել, որ վերապատրաստումն անցկացվի մասնակցային և ներառական՝ հաշվի առնելով շահառուների բազմազանությունը:
4․ Տրամադրել լրացուցիչ նյութեր և գործիքներ՝ վերապատրաստումից հետո կիրառելու համար:
5․ Սերտորեն համագործակցել ՄՍԾ անձնակազմի և MAVETA ծրագրի թիմի հետ՝ ապահովելու ծրագրի նպատակների հետ համապատասխանությունը:

Ակնկալվող արդյունքներ
- Մանրամասն ուսումնական ծրագիր և վերապատրաստման պլան՝ դասընթացների օրակարգով, վերապատրաստման նպատակներով և գնահատման գործիքներով։ Ժամկետը՝ 2025 թ․ փետրվարի 28-ը:
- Դասընթացների անցկացում տարածաշրջանային կենտրոններում՝ 2025 թ․ մարտ- հունիս ընկած ժամանակահատվածում՝ ապահովելով առաջադրված անձնակազմի մասնակցությունը:
- Դասընթացի յուրաքանչյուր մասնակցի համար գործնական նյութերի փաթեթ:
- Մասնակիցների կարծիքը, դասընթացի անցկացման մարտահրավերները և հետագա կարողությունների զարգացման վերաբերյալ առաջարկությունները փաստաթղթավորող համապարփակ զեկույց։ Ժամկետը՝ 2025 թ․ հուլիսի 20-ը։

Մեթոդաբանություն
- Նախնական վերապատրաստման գնահատում՝ դասընթացի բովանդակությունը մասնակիցների հմտություններին հարմարեցնելու համար:
- Ինտերակտիվ ուսուցման տրամադրում՝ մեծահասակների ուսուցման մեթոդի կիրառմամբ, դեպքերի ուսումնասիրություններով, դերախաղերով և գործնական վարժություններով:
- Հետադարձ կապի մեխանիզմներ՝ դասընթացի վերաբերյալ մասնակիցների կարծիքի հավաքագրում՝ հետագա առաջարկությունների համար։

Վերապատրաստողների որակավորում
- Վերապատրաստման փորձ՝ սոցիալական ծառայությունների աշխատակիցների կամ նմանատիպ լսարանների համար։
- Հաղորդակցության, կազմակերպման և կարիերայի ուղղորդման ոլորտում փորձ։
- Հայաստանում բռնի տեղահանվածների խնդիրների վերաբերյալ պատկերացում։
- Ներառական վերապատրաստման մեթոդաբանության հմտություններ։

Վերապատրաստման ընթացք
Դասընթացավարը կաշխատի MAVETA ծրագրի թիմի ղեկավարությամբ և հաշվետու է HEKS EPER-ին՝ պարբերաբար հանդիպումների և ընթացիկ զեկույցների միջոցով։

ԴԻՄԵԼՈւ ԿԱՐԳԸ՝

Հետաքրքրված դասընթացավարները/ կազմակերպությունները մինչև 2025թ․ հունվարի 31-ը պետք է ներկայացնեն՝
1. Վերապատրաստողների կենսագրականներ (CV)։
2. Առաջարկվող մեթոդաբանություն և նախնական աշխատանքային պլան։
3. Բյուջեի առաջարկ։
Լրացուցիչ տեղեկությունների համար կապի համար՝
Աննա Սարկիսյան, Ծրագրերի ղեկավար՝ ****.**********@*********.***

Խնդրում ենք Ձեր դիմում-նամակում հստակ նշել, որ այս հնարավորության մասին տեղեկացել եք Կարիերայի կենտրոնի վեբ-կայքից և նշեք կայքի հղումը՝ www.careercenter.am։ Շնորհակալություն.

ԾՐԱԳՐԻ ՄԱՍԻՆ՝

Միասնական սոցիալական ծառայությունը (ՄՍԾ) միավորում է սոցիալական պաշտպանության ոլորտի բոլոր 4 մարմինները՝ սոցիալական ապահովության ծառայության, բժշկասոցիալական փորձաքննության, զբաղվածության պետական գործակալության տարածքային կենտրոնները։

Ծառայությունն իրականացնում է կենսաթոշակների, նպաստների և սոցիալական ապահովության ծրագրերով նախատեսված այլ դրամական վճարների նշանակում և տրամադրում, կյանքի դժվարին իրավիճակում հայտնված անձանց սոցիալական կարիքների գնահատում և բավարարում, կայուն զբաղվածության ապահովմանը միտված պայմանների ստեղծում, բժշկասոցիալական փորձաքննության իրականացում, աջակցող միջոցների տրամադրում և այլն։

Միասնական սոցիալական ծառայությունն իրականացնում է բնակչության սոցիալական կարիքների առավել հասցեական և ամբողջական գնահատման, սոցիալական աշխատանքի բարելավմանն ու արդյունավետության բարձրացմանն ուղղված աշխատանքներ։
ՀՀ տարածքում գործող 49 կենտրոնների միջոցով ՄՍԾ-ն անհրաժեշտ սոցիալական ծառայություններ է մատուցում քաղաքային և գյուղական բնակչությանը, ներառյալ Լեռնային Ղարաբաղից բռնի տեղահանվածներին և այլ խոցելի խմբերին: Նշված խմբերի հետ արդյունավետ աշխատանքը պահանջում է նպատակային վերապատրաստում և հմտությունների կատարելագործում՝ թիրախ խմբերին առավել արդյունավետ սպասարկելու համար։
HEKS EPER-ը, ՄՍԾ հետ սերտ համագործակցությամբ, MAVETA ծրագրի շրջանակներում, պատրաստակամ է աջակցել լրացնելու այդ բացերը կառուցվածքային կարողությունների զարգացման ծրագրի միջոցով՝ զինելով ՄՍԾ-ի անձնակազմը անհրաժեշտ հմտություններով շահառուներին համապարփակ և զգայուն հարցերի շուրջ աջակցություն ցուցաբերելու համար:

ԿԱԶՄԱԿԵՐՊՈւԹՅԱՆ ՄԱՍԻՆ՝

For more information about HEKS-EPER, please visit heks.ch

Աշխատանք և կարիերա

Կրեատիվ Դիզայներ

Grand Candy

Programme Assistant

Food and Agriculture Organization of the United Nations

Վաճառողուհի

Grand Candy

Հաշվետար

Wayland Armenia

Senior Consultant, CBD COP17 Preparations

WWF Armenia

Request for Proposals (RFP) Research and Expert Support for Finalization of E-Commerce Legislation in Armenia

Center for International Private Enterprise

Regional Training Seminar on "Safeguarding Economic Sovereignty: The Role of Think Tanks in Countering Corrosive Capital"

Center for International Private Enterprise

Faculty Position (MAB) - Global Food Supply Chain Course

International Center of Agribusiness research and Education (ICARE) Foundation

Faculty Position (MAB) - Business Analytics Course

International Center of Agribusiness research and Education (ICARE) Foundation

Member Relations & Communications Lead

American Chamber of Commerce in Armenia

Senior Executive Support Assistant

UNHCR Armenia Office

Content Writer

AffPapa

Project Manager Copied from Expired e

TestOrg03Feb26

Project Manager

TestOrg03Feb26

Food Systems and Climate Action Data Analysis Specialist

Food and Agriculture Organization of the United Nations

Engineer/Technical Sales Specialist

KNAUF Armenia

Բյուրոյի Համակարգերի Ադմինիստրատոր

Radio Free Europe/Radio Liberty (RFE/RL)

Bureau Systems Administrator

Radio Free Europe/Radio Liberty (RFE/RL)

Ճարտարագետ/ Տեխնիկական Վաճառքի Մասնագետ

KNAUF Armenia

Audit Manager

Baker Tilly Armenia

طباخ/شيف

Embassy of the United Arab Emirates in Yerevan

Head of Litigation Division

EvocaBank

Medical Assistant

US Peace Corps Armenia

Intern(s)

US Peace Corps Armenia

Վարորդ-առաքիչ

Grand Candy

Պրեսելլեր

Grand Candy

Գնումների Մասնագետ

Armenian Territorial Development Fund

Գլխավոր Հաշվապահ

Հայ Օգնության Ֆոնդի Հայաստանի մասնաճյուղ

Procurement of the RA SRC Single Platform for Individuals

PSMP4 under the Office of the Prime Minister of the Republic of Armenia

Assistant External Relations Officer, NOA

UNHCR Armenia Office

Project Officer (with Engineering Background)

Acted Armenia

Security Risk Management Advisor

Deutsche Gesellschaft für Internationale Zusammenarbeit (GIZ) GmbH

Agroforestry Project Manager

"Shen" Charitable Public Organization

Program Manager

Transparency International Anticorruption Center PO

Store Manger

Les Nerides Paris Armenia

Program Manager

Transparency International Anticorruption Center PO

Head of Litigation Division

EvocaBank

Журналист

Armenia Today

Advisor on Wastewater Management

Deutsche Gesellschaft für Internationale Zusammenarbeit (GIZ) GmbH

Administrative and Communication Officer, EU Green Agriculture Initiative in Armenia Phase II (EU-GAIA II)