Աշխատանք և կարիերա

ՄԱՆՐԱՄԱՍՆ ՆԿԱՐԱԳՐՈւԹՅՈւՆ՝ 

Հայկական հոգևոր վերականգնման հիմնադրամը սկսում է վերապատրաստման ծրագիր՝ հոգեբանների և սոցիալական աշխատողների համար։

Վերապատրաստումն ԱՆՎՃԱՐ է և ներառում է 120 ժամ` մեկնարկը նախատեսվում է 2025թ․ նոյեմբեր-դեկտեմբեր ամիսներին։

Հիմնադրամի մշակած հոգևոր-հոգեբանական մեթոդով դուք կստանաք հզոր գործիքներ, որոնք կօգնեն անհատներին և ընտանիքներին ապաքինվել պատերազմի ու դրա հետեւանքների պատճառած տրավմաներից և դառնալ իրենց ապագայի իսկական հեղինակն ու տերը։

Վերապատրաստման ամբողջ ծրագիրը հաջողությամբ ավարտածները կամավորական հիմունքներով 2 տարի (տարեկան 40 ժամ) կհամագործակցեն Հիմնադրամի հետ՝ օգտագործելով նոր գիտելիքներն ու հմտությունները՝ հազարավոր կյանքեր փոխելու համար։

ՊԱՀԱՆՋՆԵՐ՝ 

Վերապատրաստման ծրագրին կարող են մասնակցել`
Հոգեբաններ, որոնք ունեն բակալավրի կրթություն և առնվազն 3 տարվա աշխատանքային փորձ հոգեբանական խորհրդատվության ոլորտում,
Սոցիալական աշխատողներ, որոնք ունեն սոցիալական աշխատանքի բակալավրի աստիճան և առնվազն 5 տարվա աշխատանքային փորձ՝ որպես սոցիալական աշխատող, կամ սոցիալական աշխատողների կրթող։

ԱՆՀՐԱԺԵՇՏ ՓԱՍՏԱԹՂԹԵՐ
- Ինքնակենսագրական (CV)
- Բակալավրի կամ մագիստրոսի դիպլոմի պատճենը (հոգեբանություն կամ սոցիալական աշխատանք)
- Մասնագիտական վերապատրաստումների վկայականներ
- Անձնական թերապիայի մասնակցության հաստատող փաստաթուղթ
- Անհատական կամ խմբային սուպերվիզիայի մասնակցության հաստատող փաստաթուղթ – դիտարկվում է որպես առավելություն
- Կամավորական աշխատանքի ապացույցներ (եթե առկա են)

Ընտրության գործընթացը ներառում է երկու փուլ․
1/ Դիմումների գնահատում՝ ըստ փաստաթղթերի ամբողջականության և համապատասխանության
2/ Հարցազրույց՝ մասնագիտական և արժեքային համապատասխանության գնահատման նպատակով

Դիմումների ընդունման վերջնաժամկետը հոկտեմբերի 10- է։ Գնահատման փուլը կտևի մինչև ս.թ. հոկտեմբերի 15-ը։ Բոլոր դիմորդները հետադարձ կապ կստանան՝ անկախ ընտրության արդյունքից։

Հարցազրույցի փուլը կտևի մինչև հոկտեմբերի 27-ը։

ԴԻՄԵԼՈւ ԿԱՐԳԸ՝ 

Ծրագրին դիմելու համար անցեք այս հղումով

https://docs.google.com/forms/d/e/1FAIpQLSd5ne9MBWq626WJFB8ymJyAUliWyRmaX3izt33jra0k6PK73g/viewform

Խնդրում ենք Ձեր դիմում-նամակում հստակ նշել, որ այս հնարավորության մասին տեղեկացել եք Կարիերայի կենտրոնի վեբ-կայքից և նշեք կայքի հղումը՝ www.careercenter.am։ Շնորհակալություն.