Մենք օգտագործում ենք անհրաժեշտ cookie-ներ կայքի աշխատանքի համար։ Ձեր համաձայնությամբ կօգտագործենք նաև վիճակագրական cookie-ներ (Google Analytics, Yandex Metrica)՝ հասկանալու համար, թե ինչպես է օգտագործվում կայքը։
Մանրամասն
«Հայաստանի մանուկներ» բարեգործական հիմնադրամը (ՔՈԱՖ) փնտրում է կազմակերպված, նախաձեռնող և արդյունքահեն վարչատնտեսական աշխատանքների համակարգողի, ով կհամակարգի կազմակերպության վարչատնտեսական գործառույթները, կապահովի գնումների միասնական համակարգի լիարժեք ներդրումը և կնպաստի գործառնական գործընթացների արդյունավետության բարձրացմանը։
ՊԱՐՏԱԿԱՆՈՒԹՅՈՒՆՆԵՐ՝
Վարչատնտեսական աշխատանքների համակարգում - Համակարգել ՔՈԱՖ-ի վարչատնտեսական աշխատանքները՝ ապահովելով կենտրոնների և ստորաբաժանումների անխափան գործունեությունը։ - Կազմակերպել և վերահսկել գնումների, մատակարարումների, պահեստների, գույքի, տրանսպորտի, լոգիստիկայի և գրասենյակային սպասարկման աշխատանքները։ - Ապահովել թիմերի աշխատանքների արդյունավետ բաշխումը, համագործակցությունն ու սահմանված նպատակների իրականացումը։
Գնումների և մատակարարումների կազմակերպում - Համակարգել և ապահովել ՔՈԱՖ-ի ընթացիկ, ծրագրային գնումները՝ ապահովելով դրանց թափանցիկությունը, որակը և ծախսարդյունավետությունը։ - Ապահովել գնումների միասնական, արագ և արդյունավետ համակարգի ներդրման ավարտը, լիարժեք գործարկումն ու շարունակական կատարելագործումը։ - Մշակել և բարելավել գնումների քաղաքականությունները, ընթացակարգերը, հաստատման և վերահսկման մեխանիզմները։ - Կազմակերպել գնումների պլանավորումը, մատակարարների ընտրությունը, առաջարկների գնահատումը, պայմանագրային բանակցությունները և մատակարարումների վերահսկումը։ - Ապահովել գնումների էլեկտրոնային հաշվառումը, գործընթացների պատշաճ փաստաթղթավորումը, ժամկետների պահպանումն ու մատակարարների հետ արդյունավետ համագործակցությունը։
Տրանսպորտ, լոգիստիկա և գույքի կառավարում - Կազմակերպել և համակարգել տրանսպորտային պարկի աշխատանքը, աշխատակիցների և շահառուների փոխադրումները, երթուղիների պլանավորումն ու տրանսպորտային միջոցների արդյունավետ շահագործումը։ - Վերահսկել տրանսպորտային միջոցների տեխնիկական սպասարկումը, անվտանգությունը և շահագործման ծախսերը։ - Համակարգել պահեստների աշխատանքը, ապրանքների և գույքի ընդունումը, հաշվառումը, պահպանումն ու բաշխումը՝ ապահովելով համապատասխան վերահսկման համակարգերի կիրառումը։ - Կազմակերպել գրասենյակային և վարչական սպասարկումը՝ ապահովելով անհրաժեշտ գույքի, սարքավորումների և օժանդակ ծառայությունների հասանելիությունն ու որակը։
Գործառնական արդյունավետություն և վարչատնտեսական բյուջե - Վերլուծել և բարելավել վարչատնտեսական գործընթացները՝ ներդնելով թվայնացման, ավտոմատացման և արդյունավետ վերահսկողության լուծումներ։ - Մասնակցել վարչատնտեսական բյուջեի պլանավորմանը, վերահսկել վարչատնտեսական ծախսերը և առաջարկել ռեսուրսների օպտիմալացման լուծումներ։ - Գնահատել գործառնական արդյունքներն ու ռիսկերը, մշակել բարելավման առաջարկություններ և ներկայացնել համապատասխան հաշվետվություններ։ - Համագործակցել ֆինանսական և ծրագրային թիմերի հետ՝ աշխատանքների արդյունավետ պլանավորման և իրականացման նպատակով։
ԱՆՀՐԱԺԵՇՏ ՈՐԱԿԱՎՈՐՈՒՄՆԵՐ՝
Պահանջվող որակավորում և հմտություններ - Բարձրագույն կրթություն՝ կառավարման, տնտեսագիտության, ֆինանսների, լոգիստիկայի կամ հարակից ոլորտներում։ - Առնվազն 3 տարվա համապատասխան աշխատանքային փորձ, որից 1 տարին՝ ղեկավար կամ համակարգող պաշտոնում։ - Գնումների, մատակարարումների, լոգիստիկայի և վարչատնտեսական գործընթացների կազմակերպման փորձ։ - Բյուջետավորման, ծախսերի վերահսկման և ռեսուրսների պլանավորման հմտություններ։ Գործընթացների բարելավման, նոր համակարգերի ներդրման և փոփոխությունների կառավարման կարողություններ։ - Թիմերի համակարգման, պլանավորման, բանակցելու և խնդիրների լուծման զարգացած հմտություններ։ - Վերլուծական մտածողություն, նախաձեռնողականություն, պատասխանատվության բարձր զգացում և արդյունքահեն մոտեցում։ - MS Office-ի, մասնավորապես Excel-ի և թվային կառավարման գործիքների լավ իմացություն։ - Հայերենի գերազանց և անգլերենի լավ իմացություն։
Առավելություն կդիտվի՝ - ԵՄ ֆինանսավորմամբ ծրագրերի գնումների ընթացակարգերի իմացությունը և համապատասխան աշխատանքային փորձը։ - Միջազգային ֆինանսական կառույցների և դոնոր կազմակերպությունների գնումների ընթացակարգերով աշխատելու փորձը։ - Գնումների էլեկտրոնային համակարգերի ներդրման, ավտոմատացման և գործընթացների վերափոխման փորձը։
Ինչո՞ւ միանալ ՔՈԱՖ-ին Իրական ազդեցություն․ նպաստել Հայաստանի գյուղական համայնքների զարգացմանն ուղղված ծրագրերի արդյունավետ իրականացմանը։ Մասնագիտական աճ․ համակարգել բազմագործառույթ թիմեր և զարգացնել կառավարչական կարողությունները։ Նորարարություն․ անմիջական մասնակցություն ունենալ ժամանակակից համակարգերի ներդրման և գործընթացների բարելավման գործում։ Արժեքահեն միջավայր․ աշխատել համագործակցությունը, նախաձեռնողականությունն ու պատասխանատվությունը կարևորող թիմում։
Մենք առաջարկում ենք՝ - Մրցունակ աշխատավարձ և մասնագիտական զարգացման հնարավորություններ, - Տարեկան 20 աշխատանքային օր վճարովի արձակուրդ, - Երկարացված Ամանորյա արձակուրդ՝ մինչև հունվարի 7-ը, - Թիմի անդամների համար հատուկ զեղչային պայմաններ՝ Կոնցեպտ հյուրանոցից օգտվելու համար (20%), - Ճկուն աշխատանքային ժամերի հնարավորություն՝ տարեկան մինչև 32 ժամ, - Լրացուցիչ հանգստյան օրեր (Comp Days)՝ համաձայն կազմակերպության ընթացակարգի։
ՍՊԱՍՈՒՄ ԵՆՔ ՔԵԶ Եթե պատրաստ ես համակարգել բազմաբնույթ գործառույթներ, ներդնել արդյունավետ լուծումներ և նպաստել ՔՈԱՖ-ի կազմակերպական զարգացմանը, ապա միացի՛ր մեր թիմին։
Աշխատանքի վայր՝ Երևան՝ մարզային աշխատանքային այցերով։
Անմիջական ղեկավար՝ Գործառնությունների գծով ղեկավար։
Խնդրում ենք Ձեր դիմում-նամակում հստակ նշել, որ այս հնարավորության մասին տեղեկացել եք Կարիերայի կենտրոնի վեբ-կայքից և նշեք կայքի հղումը՝ www.careercenter.am։ Շնորհակալություն։
ԿԱԶՄԱԿԵՐՊՈՒԹՅԱՆ ՄԱՍԻՆ՝
The Children of Armenia Charitable Fund (COAF) is a non-profit organization dedicated to improving the quality of life for rural Armenians through child-centered community development programs. COAF's core focus areas include education, healthcare, child and family support services, as well as social and economic development. COAF launched its programs in 2004, starting from a single village and expanding to 82 communities. The organization has invested over $70 million USD in community infrastructure and development projects, directly benefiting more than 107,000 rural residents.
Since 2015, COAF has developed and implemented the SMART Initiative. SMART advances rural communities through education, creating a win-win situation for individuals, society, and the environment. As an exemplary model for development, SMART is currently being scaled to other regions and communities across Armenia. The first COAF SMART Center is located in Debet village, Lori region, and officially opened its doors on May 27, 2018.
