Jobs and Careers

COMPETITION TYPE: 

Խորհրդատվական ընկերության ընտրությունը կիրականացվի «Գնումների կանոնակարգեր»-ում սահմանված «Խորհրդատուների որակավորում ընտրության» մեթոդի ընթացակարգերի համաձայն:

DETAIL DESCRIPTION: 

Խորհրդատվական ծառայությունները ներառում են ՀՀ-ում ընտանեկան և կենցաղային բռնության հարցերով թեժ գծի ներդրման և հետագա անխոչընդոտ գործարկման ապահովման համար անհրաժեշտ իրավական շրջանակ մշակելու և ներկայացնելու, թեժ գծի գործարկման համար պատասխանատու մասնագետների վերապատրաստումների համար անհրաժեշտ նյութերի մշակման և այդ նյութերի հիման վրա վերապատրաստումների անցկացման, ինչպես նաև թեժ գծի ներդրման և հետագա գործարկման համար անհրաժեշտ այլ բովանդակային փաստաթղթերի համալիր փաթեթի մշակման և կիրարկման հարցում ՀՀ աշխատանքի և սոցիալական հարցերի նախարարությանը աջակցություն ցուցաբերելը։

ԸԲ թեժ գիծ համակարգի ներդրման շրջանակում Խորհրդատուն պետք է մատուցի հետևյալ ծառայությունները՝ մշակի անհրաժեշտ իրավական շրջանակը՝ ներառյալ հաղորդակցման ռազմավարությունը և այլ իրավական անհրաժեշտ փաստաթղթերը, ապահովի ԸԲ կենտրոնների անվտանգությունը, վերանայի թեժ գծի գործարկման արձանագրության (պրոտոկոլ) նախագիծը և համապատասխանեցնի այն թեժ գծի նոր մոդելին, մշակի ԸԲ թեժ գծի գործարկման համար անհրաժեշտ արձանագրությունները/ուղեցույցները, մշակի թեժ գծի համակարգում աշխատող օպերատորների և համապատասխան անձնակազմի համար վարքագծի կանոններ, մշակի որակի ապահովման, մշտադիտարկման ու գնահատման համակարգ՝ թեժ գծի արդյունավետությունը կառավարելու և չափելու համար, վերանայի և թարմացնի առկա աշխատանքի/պաշտոնների նկարագրությունների նախագծերը՝ թեժ գծի ծրագրում ներգրավված անձնակազմի համար, տրամադրի շարունակական իրավական աջակցություն և խորհրդատվություն Պատվիրատուին և թեժ գծի տեխնիկական ներդրման համար պատասխանատու թիմին, մշակի վերապատրաստումների համապարփակ փաթեթ և իրականացնի վերապատրաստումներ, աջակցի ԱՍՀՆ-ին իրազեկման համապարփակ արշավի մշակման և իրականացման հարցում:
Հանձնարարականի մանրամասն «Տեխնիկական առաջադրանք»-ը ներկայացված է ՀԵՏԱՔՐՔՐՎԱԾՈւԹՅԱՆ ՀԱՅՏԻ ՆԵՐԿԱՅԱՑՄԱՆ ՀՐԱՎԵՐԻՆ կից՝ Հավելված Ա-ում։

REQUIREMENTS: 

Այս հանձնարարականն իրականացնելու համար նախատեսվում է վարձել խորհրդատվական ընկերություն (հետայսու՝ «Խորհրդատու»):

ՀՀ Վարչապետի աշխատակազմը հրավիրում է իրավասու/ընտրվելու իրավունք ունեցող (eligible) խորհրդատվական ընկերություններին (Խորհրդատուներ) Ծառայության մատուցման վերաբերյալ արտահայտելու իրենց հետաքրքրությունը: Հետաքրքրված Խորհրդատուները պետք է տրամադրեն տեղեկություններ` ցույց տալով, որ վերոնշյալ Ծառայությունների մատուցման համար իրենք ունեն պահանջվող որակավորումներ և համապատասխան փորձ:

Խորհրդատվություն իրականացնող ընկերությունը պետք է բավարարի որակավորման հետեւյալ նվազագույն պահանջները.
- առնվազն 3 տարվա փորձ իրավական բարեփոխումների, օրենքների և ենթաօրենսդրական ակտերի մշակման և (կամ) պետական հատվածի արդիականացման ոլորտներում, այդ թվում՝ իրավական վերլուծությունների պատրաստման, օրենքների և կանոնակարգերի նախագծերի մշակման փորձ,
- ռազմավարական հաղորդակցության փաստաթղթերի, արձանագրությունների, մասնագիտական վերապատրաստումների համար անհրաժեշտ տեսական նյութերի, ծառայությունների մշտադիտարկման և գնահատման համար անհրաժեշտ մեթոդաբանությունների մշակման փորձ,
- վերջին 3 տարիների ընթացքում նույն բնույթի, մասշտաբի և բարդության առնվազն երկու (2) առաջադրանքի հաջող կատարում. նախընտրելի է, որ դրանք ֆինանսավորված լինեն պետական մարմինների կամ միջազգային կազմակերպությունների կողմից:

Խորհրդատուի հիմնական անձնակազմը/ փորձագետները չեն գնահատվելու այս փուլում:

Հետաքրքրվածության հայտը պետք է ներկայացնի հետևյալ տեղեկատվությունը.

Ընկերության հիմնական բիզնեսի և գործունեության տարիների մանրամասն նկարագիրը՝ ներառյալ մատուցված ծառայությունները, ավարտված ծրագրերը (իրականացման ժամկետներով, հասցեներով, կոնտակտային տվյալներով, ինչպես նաև ընկերության հիմնական աշխատակազմի քանակով և այլ տվյալներով), ինչպես նաև ընկերության փորձի հիմնավորումը փաստաթղթային ապացույցներով։ Փաստաթղթերին պետք է կցվի համապատասխան առաջադրանքների ցանկ, որտեղ նշվում են ծրագրի անվանումը, պատվիրատուն, իրականացման տարին և տևողությունը, խորհրդատուի դերը, մատուցված ծառայությունների շրջանակը և ֆինանսավորման աղբյուրը։

APPLICATION PROCEDURES: 

Խորհրդատուները՝ իրենց որակավորումը բարելավելու համար կարող են միավորվել այլ ընկերությունների հետ համատեղ ձեռնարկությունների տեսքով կամ որպես ենթախորհրդատուներ՝ հստակորեն նշելով միավորման ձևը: Համատեղ ձեռնարկության պարագայում բոլոր գործընկերները համատեղ և համապարտ պարտավորություն են կրում ամբողջ պայմանագրի իրականացման համար:

Խորհրդատվական ընկերության ընտրությունը կիրականացվի «Գնումների կանոնակարգեր»-ում սահմանված «Խորհրդատուների որակավորում ընտրության» մեթոդի ընթացակարգերի համաձայն:

Հետաքրքրված թեկնածուները կարող են լրացուցիչ տեղեկատվություն ստանալ ներքոնշյալ հասցեով հետևյալ աշխատանքային ժամերին` 09:00-ից մինչ 18:00-ը:

Հետաքրքրվածության հայտերը պետք է գրավոր ձևով ներկայացվեն ներքոնշյալ հասցեով (անձամբ կամ էլ-հասցեով) մինչև 2026թ. մարտի 3-ը, ժ. 18:00 (տեղական ժամանակով):

պրն.Ահարոն Մկրտչյան
«Պետական հատվածի արդիականացման չորրորդ ծրագրի» (ՊՀԱԾ 4) ղեկավար
ՀՀ, ք. Երևան 0010, Հանրապետության Հրապարակ, Կառավարական Տուն 1 (1-ին հարկ, 115, 117 սենյակ)
հեռ. (+374 10) 515931
էլ. Փոստ. info@psmp.am

Please clearly mention in your application letter that you learned of this announcement through Career Center and mention the URL of its website - www.careercenter.am. Thanks.

OPEN TO/ ELIGIBILITY CRITERIA: 

Հետաքրքրված խորհրդատուների ուշադրությունը հրավիրվում է 2020թ. նոյեմբերի ՀԲ գնումների կարգավորումները IPF վարկառուների համար (Գնումների ուղեցույց՝ չորրորդ հրապարակում) Բաժին III, պարագրաֆ 3.14, 3.16, և 3.17, որտեղ սահմանված է շահերի բախման վերաբերյալ Համաշխարհային բանկի քաղաքականությանը:

INTENDED AUDIENCE: 

Բոլոր իրավասու/ընտրվելու իրավունք ունեցող (eligible) խորհրդատվական ընկերությունները (Խորհրդատուներ) հրավիրվում են մրցույթին մասնակցելու։

ADDITIONAL NOTES: 

Հայտերի ներկայացման հրավերի ամբողջական հայտարարությունը և «Տեխնիկական առաջադրանք»-ը ներկայացված է կից ֆայլում։

ABOUT: 

Հայաստանի Հանրապետությունը (ՀՀ) ֆինանսավորում է ստացել Համաշխարհային բանկից` Պետական հատվածի արդիականացման չորրորդ ծրագրի (ՊՀԱԾ4) իրականացման համար, և մտադիր է հատկացվող միջոցների մի մասը ծախսել սույն տեխնիկական առաջադրանքում նկարագրված խորհրդատվական ծառայությունների մատուցման համար:

ATTACHMENTS:

FULL REOI&TOR - REOI-HOTLINE_arm_022026.docx